متن شعر گیلکی شیون فومنی :

موزِر دَبَسته دانه میرزا مردِ میدان بو

نه من ، نه تو که اَمی خانه سبزِمیدان بو

نیشه می داغ َ مَنستان سفیدرودا خاطر

که لاله لاله اونِ خونِ دیل خروشان بو

اویه که پَر فوکونه واشکِ هراس ، کُوتر

جوخوفته کو سر ِ کبکانه ره خروس خوان بو

پائیز که ناجیه رختا درختِ تن داشتی

اَ باغ رِ اون ِ سایه اَرَش واگردان بو

پرنده بو که بهارا اَرا اورا بوردی

ایی وار به کویِ کمندان ، ایی وار به گیلان بو

هوجور که باد بزنه خیزرانَ مُردابا

همیشه خواب اونه شین جنگلِ پریشان بو

ورای دانه نو بو ، تا خو را به داما کشه

انَر تُرنگِ شکاربان هَه خلق ایمان بو

به دونیا زنده نانستی ، نه شیخا ، نه شایا

خو آسمانِ ستاره ، خو سفره ، رِ نان بو

نفس دایی اَ هوا رِ ، نفس نفس گوفتی

گیلانِ حافظِ جان همت ِ جوانان بو

چره گی میرزایا خان ، خان اونه کوچیکا کونه

اونی که رعیتَ خونَ بوخوردبو ، خان بو

ورق ورق تَره تاریخا جَ دهه ایشتاو

گیلان مَشتِگی الان ، می خانه آبدان بو

به خون بینیشته غروب دم ایتا زمستان روز

گیلانِ خلقِ ستاره می کاس چومان بو

چره گولاز نوکونه شاعرانِ جی شیون

تی وصفِ حالِ رِ وختی قلم به فرمان بو

موزر دَبَسته دانه میرزا مردِ میدان بو

نه من ، نه تو که اَمی خانه سبزِمیدان بو

 

مشخصات آهنگ :

نام آهنگ: میرزا مرد میدان بو

 

شاعر: زنده یاد شیون فومنی

خواننده: زنده یاد شیون فومنی

 

فرمت: MP3

 

دانلود آهنگ میرزا مرد میدان بو با صدای علیرضا شوریده :

هزینه دانلود : ذکر یک صلوات و فاتحه برای شادی روح میرزا کوچک و شیون فومنی

مدت آهنگ: 5:33 دقیقه

حجم فایل: 5.12 مگابایت

دانلود فایل

Mirza Mard Meydan Bou - Sheevan Foumani - www.mirzakuchak.ir.MP3

 http://uploadboy.com/ospt8ncatcsa.html